មួយឆ្នាំនៃស្នាដៃលោក ចូ បៃដេន ធ្វើឲ្យសេដ្ឋកិច្ចសហរដ្ឋអាមេរិក​ ត្រឡប់មករឹងមាំក្នុងរយៈពេល ៤០ ឆ្នាំ

សេដ្ឋកិច្ចថ្ងៃច័ន្ទុ ទី07 ខែកុម្ភៈ ឆ្នាំ2022 ម៉ោង 8:49 នាទី ព្រឹក

ប្រែសម្រួលពី prachachat

ដោយ សូរ្យរិទ្ធ

កាលពីថ្ងៃទី៥ ខែកុម្ភៈ ឆ្នាំ២០២២ ទីភ្នាក់ងារសារព័ត៌មាន AP បានរាយការណ៍ថា ប្រធានាធិបតីសហរដ្ឋអាមេរិក លោក ចូ​បៃដេន (Joe Biden) ថ្លែងប្រកាសព័ត៌មានស្តីពីបញ្ហាសេដ្ឋកិច្ចរបស់ប្រទេសកាន់តែរឹងមាំឡើង ក្នុងដំណាក់កាលពុះកាត់រលកកូវីដ ប្រភេទ Omicron ដែលជាសញ្ញាមួយលេចឡើងនូវការបន្ថែមការងារថ្មីចំនួន ៤៦៧.០០០ កន្លែងក្នុងខែមករាកន្លង ។

ទោះបីជាសហរដ្ឋអាមេរិកនៅតែប្រឈមមុខនឹងអតិផរណាខ្ពស់ក៏ដោយ សហរដ្ឋអាមេរិកកំពុងឈានចូលដំណាក់កាលថ្មីនៃការស្តារសេដ្ឋកិច្ចឡើងវិញពីជំងឺរាតត្បាត ដែលមានន័យសម្រាប់ប្រធានាធិបតី នៅក្នុងក្រៃសែភ្នែកសាធារណជនឡើងវិញ ។

លោក បៃដេន បានប្រកាសនៅឯសេតវិមាននៅថ្ងៃសុក្រ ទី៤ ខែកុម្ភៈថា «ប្រទេសរបស់យើងស៊ូទ្រាំនឹងអ្វីៗទាំងអស់ដែល​កូវីដមានមកលើយើង ហើយឥឡូវនេះ យើងត្រឡប់មកវិញកាន់តែខ្លាំងជាងពេលណាៗទាំងអស់» ។

លោក បៃដេន បាននិងកំពុងរំលឹកឡើងវិញនូវចំនួនវិជ្ជមាននៅក្នុងការគ្រប់គ្រងមួយឆ្នាំដំបូងរបស់ខ្លួន រួមទាំងអត្រាគ្មានការងារនៅសល់ត្រឹមតែ ៤ ភាគរយ, ការកើនឡើងការងារចំនួន ៦,៦ លានតំណែង និងដំណោះស្រាយថវិកា ចំនួន ១,៩ លានលានដុល្លារ នោះជាជម្រើសដ៏ឈ្លាសវៃ ហើយ​នឹង​អនុញ្ញាត​ឱ្យ​សមាជិក​ក្រុមប្រឹក្សា​ដែល​នៅ​សេសសល់​គាំទ្រ​កម្មវិធី​​ជំរុញ​សេដ្ឋកិច្ច​ឱ្យ​បាន​យូរ​អង្វែង ។

លោក បៃដេន ថ្លែងថា «ប្រវត្តិសាស្ត្រត្រូវបានបង្កើតនៅទីនេះ ​មក​ជា​មួយ​នឹង​ការ​ធ្លាក់​ចុះ​នូវចំនួន​អ្នក​អត់​ការងារ​ធ្វើ​ច្រើន​បំផុត​ក្នុង​រយៈ​ពេល​មួយ​ឆ្នាំ រួម​ទាំង​ការ​ធ្លាក់​ចុះ​ដ៏​ធំ​បំផុត​នៃ​ភាព​ក្រីក្រ​របស់​កុមារ​ក្នុង​រយៈ​ពេល​តែ​មួយ​ឆ្នាំ និងសេដ្ឋកិច្ចដ៏រឹងមាំដែលមិនធ្លាប់មានក្នុងរយៈពេលជិត ៤០ ឆ្នាំ» ។

លោក ចេសាន់ ហ្វើមេន (Jason Furman) សេដ្ឋវិទូ សកលវិទ្យាល័យ​ហា​វើត និងជាអតីតទីប្រឹក្សារដ្ឋាភិបាលសម័យលោក បារ៉ាក់ អូបាម៉ា បាននិយាយថា «មេរោគឥឡូវនេះគ្រាន់តែជាកត្តាមួយក្នុងចំណោមកត្តាជាច្រើន មិនមែនជាកត្តាកំណត់ទៀតទេ» វាបានចង្អុលបង្ហាញថាការងារចំនួន ៥០.០០០ ដែលត្រូវបានបន្ថែមនៅក្នុងផ្នែកបដិសណ្ឋារកិច្ច និងការកម្សាន្ត ភោជនីយដ្ឋាន សណ្ឋាគារ និងកន្លែងកម្សាន្តមានច្រើនជាងអ្នកផ្សេងទៀតក្នុងអំឡុងពេលនៃការរីករាលដាលនៃជំងឺនេះ។

នៅថ្ងៃសុក្រទី ៤ ខែកុម្ភៈ សភាតំណាងរាស្រ្តបានបោះឆ្នោតអនុម័តច្បាប់ស្តីពីការផលិត និងអភិវឌ្ឍបន្ទះឈីបកុំព្យូទ័រ គឺវា​ជា​ជំហាន​សំខាន់​មួយ​ដែល​ឆ្លុះ​បញ្ចាំង​ពី​ការ​សម្រុះសម្រួល​ជាមួយ​ព្រឹទ្ធសភា បន្ទាប់​ពី​នីតិបញ្ញត្តិ​ទាំង​ពីរ​ធ្លាប់​មិន​ឯកភាព​គ្នា​លើ​វិធានការ​ដែល​ព្រឹទ្ធសភា​បាន​បោះឆ្នោត​យល់ស្រប ។

លើសពីនេះ រដ្ឋាភិបាលនៅមានស្នាដៃផ្សេងទៀតក្រៅពីបញ្ហាសេដ្ឋកិច្ច គឺកងកម្លាំងពិសេសរបស់កងទ័ពអាមេរិក បានសម្លាប់មេ IS អាប៊ូ អ៊ីប្រាហ៊ីម អាល់-ហាស៊ិមី អាល់-គូរ៉ាស៊ី (Abu Ibrahim al-Hashimi al-Kuraishi) បានទៀត ។

តើអ្នកណាដែលគួរផ្តល់កិត្តិយស?

ក្នុងអំឡុងពេលនៃការរីករាលដាលនៃអូមីក្រុង (Omicron) បានធ្វើឱ្យជនជាតិអាមេរិករាប់លាននាក់មិនបានធ្វើការ រហូតដល់មានការរំពឹងទុកថា ចំនួនការងារនឹងធ្លាក់ចុះនៅក្នុងខែមករា ប៉ុន្តែនៅពេលដែលតួលេខបង្ហាញថា មេរោគមានផលប៉ះពាល់តិចតួច សមាជិកគណបក្សសាធារណរដ្ឋ បាន​ប្រញាប់ប្រញាល់​បង្ហាញ​រូបភាព​មួយ​ផ្សេង​ទៀត​ថា​ ការកើនឡើងការងារ គឺជាលទ្ធផលនៃភាពអត់ការងារតាំងពីមុនពីរដ្ឋាភិបាល បៃដេន និងគណបក្សប្រជាធិបតេយ្យមកម៉្លេះ ។

ក្រៅពីនេះ មានការនិយាយវាយប្រហារថា អ្វីដែល បៃដេន ថ្លែងនេះ មិនមែនជាព័ត៌មានល្អទាំងអស់ទេ ​ព្រោះភាវៈអតិផរណានៅតែជាបញ្ហាធំ បន្ទាប់ពីតម្លៃទំនិញប្រើប្រាស់បានកើនឡើង ៧% កាលពីឆ្នាំមុន ។ សូម្បីតែរបាយការណ៍ការងាររឹងមាំឡើង ប៉ុន្តែ​វា​អាច​ជា​ហេតុផល​មួយឲ្យ​ធនាគារ​កណ្តាល ឬ Fed ដំឡើង​អត្រាការប្រាក់ និងដកថយដើម្បីជួយដល់សេដ្ឋកិច្ចកាត់បន្ថយអតិផរណា នៅពេលដែលប្រាក់ឈ្នួលជាមធ្យមក្នុងខែមករាឆ្នាំនេះបានកើនឡើង ៥,៧7% បើធៀបនឹងរយៈពេលដូចគ្នាកាលពីឆ្នាំមុន មានន័យថាកម្មករកាន់តែច្រើន ហើយវាអាចធ្វើទៅបានដើម្បីបង្កើនអតិផរណា ។

លោក ចូ ប៊្រូស៊ូឡាស (Joe Brusulas) ប្រធានសេដ្ឋវិទូនៅក្រុមហ៊ុនប្រឹក្សា RSM បាននិយាយថា ទីផ្សារពលកម្មនឹងអនុញ្ញាតឱ្យ Fed ដំឡើងអត្រាការប្រាក់ខ្ពស់ណាស់ ហើយវាអាចទៅរួចសម្រាប់កម្មករដើម្បីគេចផុតពីជំងឺរាតត្បាត និងបង្កើនផលិតភាពរបស់ពួកគេច្រើនជាងពេលមុនៗ នោះនឹងធ្វើឱ្យវាកាន់តែងាយស្រួលក្នុងការដំឡើងអត្រាការប្រាក់។

លោក​បន្ត​ថា​៖ «​នៅ​ពេល​ដែល​ក្រុមហ៊ុន​មាន​ប្រាក់​ចំណេញ​ច្រើន​ក្នុង​អំឡុង​ពេល​ប្រាក់​ឈ្នួល​ពលកម្ម​កើនឡើង នោះ​មាន​ន័យ​ថា ​វិស័យ​ពាណិជ្ជកម្ម ​និង​សេដ្ឋកិច្ច​ កំពុង​មាន​ការ​រីក​ចម្រើន​ផ្នែក​ផលិតកម្ម ហើយនោះមានន័យថា សេដ្ឋកិច្ចនឹងគ្រប់គ្រងអត្រាការប្រាក់ខ្ពស់ប្រសើរជាងអ្វីដែលគេដឹងឥឡូវនេះ ៕

 


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម