ថ្នាក់ដឹកនាំមន្រ្តីរាជការនៃមន្ទីរព័ត៌មានខេត្តកំពង់ឆ្នាំង និងអ្នកសារព័ត៌មានក្នុងខេត្តស្ម័គ្រចិត្តចាក់វ៉ាក់សាំងបង្ការជំងឺកូវីដ១៩ ស៊ីណូវ៉ាក់ លើកទី១

ព័ត៌មានសង្គមថ្ងៃសៅរ៍ ទី03 ខែមេសា ឆ្នាំ2021 ម៉ោង 10:45 នាទី ល្ងាច

កំពង់ឆ្នាំង៖ ថ្នាក់ដឹកនាំមន្រ្តីរាជការនៃមន្ទីរព័ត៌មានខេត្តកំពង់ឆ្នាំង និងអ្នកសារព័ត៌មានក្នុងខេត្ត នៅថ្ងៃទី៣ ខែមេសា ឆ្នាំ២០២១នេះ បានស្ម័គ្រចិត្តចាក់វ៉ាក់សាំងបង្ការជំងឺកូវីដ១៩ នៅមន្ទីរពេទ្យបង្អែកខេត្តកំពង់ឆ្នាំង ដឹកនាំដោយលោក ហឹង ចូច អនុប្រធានមន្ទីរព័ត៌មានខេត្តកំពង់ឆ្នាំង។

លោក ហឹង ចូច អនុប្រធានមន្ទីរព័ត៌មានខេត្តកំពង់ឆ្នាំង បានបញ្ជាក់ឱ្យដឹងថា នៅថ្ងៃនេះមន្ត្រីរាជការនៃមន្ទីរព័ត៌មាន និងអ្នកសារព័ត៌មាន ដែលជាមន្រ្តីជួរមុខបានស្ម័គ្រចិត្តចូលរួមមកចាក់វ៉ាក់សាំងបង្ការជំងឺកូវីដ១៩ នៅមន្ទីរពេទ្យបង្អែកខេត្តកំពង់ឆ្នាំង ដើម្បីបង្ការទប់ស្កាត់ការរីករាលដាលនៃជំងឺកូវីដ១៩។

លោក អនុប្រធានមន្ទីរបានឱ្យដឹងថា មន្រ្តីរាជការនៃមន្ទីរព័ត៌មាន និងអ្នកសារព័ត៌មានគឺ ជាអ្នកដែលដែលនឹងអាចប្រឈមនៅនឹងកន្លែងងាយចម្លងវីរុស Covid-19 ព្រោះថាអ្នកសារព័ត៌មាន បំពេញការងារច្រើនកន្លែង ដែលយើងមិនអាចមើលដឹងអំពីហានិភ័យនៃការចម្លងមេរោគកូវីដ១៩នេះឡើយ។ ដែលការចាក់វ៉ាក់សាំងនឹងជួយមន្រ្តីព័ត៌មានទាំងមានសុវត្ថិភាពជាងមុន ក្នុងកិច្ចការងារបំពេញបេសកកម្មយកព័ត៌មាន នៅក្នុងខេត្ត ។

លោកអនុប្រធានមន្ទីរបានប្រាប់ឱ្យដឹងទៀតថា បើទោះបីជាមន្រ្តីរាជការ និងអ្នកសារព័ត៌មានបានចាក់វ៉ាក់សាំងបង្ការជំងឺកូវីដ១៩រួចហើយក្តី ក៍ត្រូវចូលរួមអនុវត្តតាមការណែនាំរបស់គ្រូពេទ្យ និង រង់ចាំចាក់វ៉ាក់សាំងលើកទី២បន្តទៀត ជាពិសេសគឺត្រូវអនុវត្តតាមការណែនាំរបស់ក្រសួងសុខាភិបាល និង រាជរដ្ឋាភិបាល ៣កុំ ៣ការពារ ជានិច្ច ។

គួរបញ្ជាក់ថា យុទ្ធនាការចាក់វ៉ាក់សាំងបង្ការជំងឺកូវីដ១៩ ជូនដល់មន្រ្តីជួរមុខ នៅខេត្តកំពង់ឆ្នាំង គឺបានធ្វើឡើងកាលពីថ្ងៃទី១ ខែមីនា ឆ្នាំ២០២១ នៅតាមមន្ទីរពេទ្យបង្អែក៣ទីតាំង គឺនៅមន្ទីរពេទ្យបង្អែកខេត្តកំពង់ឆ្នាំង នៅមន្ទីរពេទ្យបង្អែកស្រុកបរិបូរណ៍ និងមន្ទីរពេទ្យបង្អែកស្រុកកំពង់ត្រឡាច ៕

IMG_20210403_202635_881

IMG_20210403_202542_748

IMG_20210403_202705_896

IMG_20210403_202517_070


ហាមធ្វើការចម្លងអត្ថបទ ដោយមិនមានការអនុញ្ញាត្តិ។

ភ្ជាប់ទំនាក់ទំនងជាមួយយើងឥឡូវនេះ

អត្ថបទប្រហាក់ប្រហែល


ពាណិជ្ជកម្ម

អត្ថបទថ្មីៗ

អត្ថបទពេញនិយម